Vranësira dhe shi gjatë paradites, pasditja sjell përmirësim të motit

MOTI, SHQIPËRI

Orët e para të ditës do të jenë me vranësira dhe reshje të pakta shiu në zonat veriore dhe pjesërisht juglindore.

Ndërsa pjesa e dytë e ditës do të sjelli përmirësim gradual të motit, ku gjatë pasdites dhe mbrëmjes do të ketë alternime kthjellimesh dhe vranësirash.

Temperaturat e ajrit do të ulen në mëngjes, por mbeten konstante në mesditë duke luhatur vlerat ditore nga 2°C deri në 16°C.

Sipas Meteoalb, era do të fryjë mesatarisht me shpejtësi 40 km/h nga drejtimi Veriperëndimor duke krijuar në brigjet detare dallgëzim 3 ballë.

Edhe për ditën e nesërme vendi do të ndikohet nga kushte të njejta atmosferike.