Nxënësit tallen me këpucët e vjetra të 12-vjeçarit, shoku i blen një palë të reja

Një ngjarje jo e zakontë dhe një gjest emocionues ka ndodhur në një shkollë në Nju-Jork.

Një 12-vjeçar i ka dhuruar një palë këpucë shokut të tij të klasës, i cili ishte në qendër të talljeve nga nxënësit e tjerë, për shkak të këpucëve të vjetra që mbante veshur.

Shoku i djalit të vogël vendosi ta mbronte atë dhe t’i dhuronte atij një palë këpucë të reja me shkëlqim.

Ai i tha nënës së tij:

“Le të përdorim paratë e mia të xhepit, ose dhuratat e mia për Krishtlindje. E rëndësishme është që ai të vijë në klasë me një palë këpucë të bukura”.

Dhe kështu ishte, nëna e shoqëroi djalin e saj në dyqan dhe i bleu një palë atlete Nike, të modës së fundit me vlerë 135 euro, të cilat ia dhuruan 12-vjeçarit.

Gjesti i dashurisë që mallëngjeu rrjetin është nënshkruar nga Romello “Mello” Early, i cili i kërkoi nënës së tij ta shoqëronte në misionin e tij për të vrapuar në ndihmë të të varfrit Melvin Anderson.

Të dy djemtë po ndjekin klasën e shtatë në “Buffalo Creek Academy Charter School”.