“Në kërkim ndërkombëtar”, arrestohet sërish këngëtarja Fjolla Morina

Këngëtarja Fjolla Morina është arrestuar sërish në rrugën “Ahmet Krasniqi” në Prishtinë.

Lajmi ka gjetur konfirmime edhe nga avokati i saj, Fanol Krasniqi, i cili deklaroi se Fjolla Morina nuk është arrestuar, ajo është shoqëruar në stacionin policor.

Sipas avokatit, një zyre e bashkëpunimit juridik në Kosovë, nuk e ka shfuqizuar urdhëresën e gjykatës e cila e ka refuzuar ekstradimin dhe tani po presin njoftimin.

‘Fjolla nuk është e arrestume’, ka thënë Krasniqi për mediat.

Fjolla Morina ishte shpallur në kërkim ndërkombëtar nga Interpoli, pasi mbi të rëndon akuza për trafikim të armëve dhe municionit në Shqipëri.

Morina kërkohet nga 21 prilli 2021, një muaj pasi gjykata e Kukësit e dënoi me 6 vite burgim për “trafik të armëve dhe municionit”.

Arrestimi i Fjolla Morinës u bë në shtator të vitit të2020, në pikën e kalimit kufitar Morinë, ku këngëtares iu gjet një armë zjarri pistoletë tip “Zoraki” me 23 fishekë.