Jasmina zbulon mesazhin e fundit që i dha fund lidhjes me Andin

E ftuar sot në emisionin “Shqipëria Live”, Jasmina ka treguar se Andi zgjodhi të ndërpriste marrëdhënien e tyre me “bllok”, vetëm për shkak të një pyetje nga ana e saj.

“Andi nuk më mungon fare. Ka qenë marrëdhënie toksike nga të dy. Gabimi im është që i kam mëshuar shumë një situatë të caktuar. Kisha të drejtë për çdo argument qoftë i ekzagjeruar apo jo.

Unë e marr vëmendjen duke u ‘grricur’ me njerëzit. Thjesht ashtu e kam tipin. Unë nuk bëhem xheloze, bëhem posesive. Unë para se të jem me dikë, flirtoj, dua vëmendjen dhe kur fillova të frekuentohesha me Andin, e ndërpreva për të mos u keqkuptuar.

Nuk jam mësuar që të ndahem me shpata, inate dhe mëri. Është i vetmi njeri që e kam bërë. Jemi ndarë si fëmijë 5 vjeç që po më pyete prapë për këtë gjë, do të të bëj bllok. Nëse të pyes për diçka specifike, kthe përgjigje dhe kaq”, tha Jasmina.

Edhe miqësia me Olën ka pësuar krisje, për të cilën Jasmina tha se “janë me pushime”. Ndërsa për planet e së ardhshmes tha se po mendon të bëhet pjesë e muzikës.