Rikthehet futbolli në Shqipëri, ja kur fillojnë stërvitjet

TIRANE

Ministrja e Shëndetësisë Ogerta Manastirliu njoftoi se stërvitjet e sportistëve mund të nisin pas datës 18 maj.

Në një komunikim publik, Manastirliu bëri me dije proçesin rinisjes së proçesit mësimor, hapjes së bareve dhe restoranteve, etj.

Ndërkohë, ende nuk është arritur të vendoset nëse do të rinisë kampionati shqiptar i futbollit.

“Në vijim të planit, prej datës 18 maj nis procesi mësimor dhe provimet e maturës shtetërore, hapen baret dhe restorante vetëm me ambiente të jashtme, shtohen fluturimet nga jashtë, hapen muzetë dhe sitet arkeologjike, lejohen stërvitjet në ambiente të hapura, ndalohen aktivitetet sportive dhe kulturore.

Më 1 qershor po planifikohet hapja e çerdheve publike dhe private me standarde higjieno sanatare të cilat do të bëhen publike në ditët në vijim”, u shpreh ministrja e Shëndetësisë Manastirliu.