Kërkohet formimi i një qeveria globale për koronavirusin, çfarë kompetencash mund të ketë

BRITANI E MADHE

Gordon Brown u ka kërkuar udhëheqësve botërorë të krijojnë një formë të përkohshme të qeverisë globale për të trajtuar krizën e dyfishtë mjekësore dhe ekonomike të shkaktuara nga pandemia Covid-19.

Ish-kryeministri Laburist, i cili ishte në qendër të përpjekjeve ndërkombëtare për të trajtuar falimentimin e bankave në vitin 2008, tha se kishte nevojë për një grup pune, që përfshin udhëheqës botërorë, ekspertë të shëndetit dhe krerët e organizatave ndërkombëtare që do të kishin fuqi ekzekutive për të koordinuar përgjigjen ndaj epidemisë.

Një takim virtual i grupit G20 të vendeve të zhvilluara dhe në zhvillim, i kryesuar nga Arabia Saudite, u mbajt sot, por Broën tha që do të ishte e preferueshme që të kishte përfshirë edhe këshillin e sigurisë të Kombeve të Bashkuara.

“Kjo nuk është diçka që mund të trajtohet në një vend,” tha ai. “Duhet të ketë një përgjigje të koordinuar globale”- citon Guardian.

Brown tha se kriza e tanishme ishte e ndryshme nga ajo në të cilën u përfshi bota në 2008. “Ky ishte një problem ekonomik që kishte shkaqe ekonomike dhe kishte një zgjidhje ekonomike.

“Kjo është para së gjithash një urgjencë mjekësore dhe duhet të ketë një veprim të përbashkët për t’u marrë me të. Por sa më shumë të ndërhyni për t’u marrë me urgjencën mjekësore, aq më shumë i rrezikoni ekonomitë “.

Gjatë krizës financiare, Brown bindi liderët e tjerë globalë për nevojën për të shpëtuar nga bankat dhe më pas organizoi një takim të G20 në Londër, i cili doli me një paketë shpëtimi prej 1.1 tn $.

Megjithë politikën e “Amerikës së parë” të Donald Trump, ai tha se ishte akoma e mundur të merrte mbështetje për një organ emergjence me fuqi ekzekutive.