Çfarë po ndodh? Cristiano Ronaldo mbyllet në karantinë

Së fundmi futbollisti i Juventusit, Daniele Rugani iu nënshtrua analizave dhe rezultoi pozitiv ndaj testit të koronavirusit.

Vetë klubi i Juventusit konfirmoi rastin ku gjithashtu ata bënë të ditur se të gjithë personat që kanë patur kontakt me Danielen do të izolohen.

Mirëpo afër tij ka qenë dhe Cristiano Ronaldo. Nëpërmjet një fotoje të postuar në rrjetet sociale, ata treguan se kishin ndarë ditën e dielë të njëjtën dhomë zhveshje.

Mediat e huaja bëjnë të ditur se tashmë Cristiano ndodhet në karantinë. Ai është izoluar për të shmangur kontaktet me personat e tjerë.

Ai aktualisht ndodhet në shtëpinë e tij në Madeira, ku kishte shkuar për të vizituar nënën e tij, por siç raporton The Sun, ai ka lajmëruar Juventusin se nuk do të kthehet.